M.L. ha contratto il coronavirus. Non sa come né dove, sa solo che “la Bestia” è in lui e gli ruba il fiato e le forze. Appena ripreso ha raccontato tutto in una poesia, che sa di speranza e invoca prudenza….
22/03/2020
Go vudo i primi sintomi, un po’ de male al petto, verso lo sterno…
Dopo poche ore xe scumisià la febre, ok… (in genere mi la febre non la reggo, con do linee me toca butarme xo sol leto e spetare chea passa, go sempre fato cusì..).
Son spaurà solo al pensiero de dover nare in ospedae in sto bruto periodo, co na bruta Bestia in giro.
Me saro su in casa, so na stansa con bagno, isolà dal mondo, par na setimana, sperando che passa la febre coa takipirina.
Me Moiere, poareta, la me assiste come un moribondo, in tutto e per tutto, sensa nesuna paura e di fatto ris-ciando parechio anca ela.
La me misura anca la saturasion del sangue, robe mai viste, col deo dea man rento so na moièca, sembra tuto a posto: 97, 98, so na scala de 100.
A un certo punto la saturasion scumisia a calare: 93, 92, 91, 90 e la febre persiste, maledetta, bastarda. Scumusio ad avere dei problemi soa respirasion.
30/03/2020
Sentìa la me Dottoressa vò al pronto socorso, butà xo sol sedìe da drio dea machina. Autista me Moiere.
Me acoglie su un stanson dell’ospedae, un ‘astronauta’ co na tuta spaziale, mascherina, visiera trasparente, guanti, ghe manca solo la bombola del’ossigeno.
Me par de esser entrà in un giron dell’Inferno, butà so na branda come un mona.
I me fa el tampon (na roba fastidiosa, che fa quasi vomitare, ma me va ben tuto, stò male, fasime quel che serve).
Gò diversi pensieri che me gira pal sarveo. Al PS ghe xe un pò de confusion, i Dottori xe incassà come bestie perchè le direttive e le procedure continua a cambiare, parchè no riva i tamponi e noi poe sistemare i pazienti.
Lì in pronto socorso un Dottore, a un certo punto, 3/4 ore dopo el me ingresso el me comunica che go la polmonite. Mi incredulo ghe domando sel xe sicuro. Lu, co na facia tra l’avilito e il sommesso, el me dise de si, capisso che xe vero e che gavarò problemi.
Mi son, o almeno credo de essere molto forte psicologicamente, son uno che incassa ma non lo fa vedere, son in grado de reggere a qualunque tipo de notisia, sarò un insensibile o qualcos’altro.
Son sempre stà un sportivo fin da piccolo.
Calcio, fisico, caratere, cattiveria sportiva, xugavo Stopper, n.5, marcatore centrale, marcatura a uomo, la zona a quel tempo la faseva i prof.
Tennis molto tenico, desso anche molto fisico, sport molto psicologico, elevata tensione nervosa. Testa.
Sensa testa no te vè da nesuna parte nel tennis, no tea porti mia casa la partìa.
Tute ste robe qua, credo che desso, le me sarà de grande aiuto.
El risultato del tampon nol riva mai, a quel punto nea me testa me convinso che magari el sarà negativo, circa 10 ore dopo l’esame, trato là soa branda come un biscaro, sensa bevare e magnare, riva el risultato: positivo.
Ok, de corsa su in reparto solo covid.
Do par stansa, metà omeni e metà done, sta Bestia quà la xe anca democratica.
Ma do cazzo sonti nà ciaparla sta merda, uscivo poco e solo per lavoro, stasendo attento ae persone, distanze, mascherine, lavarme le man, boh, no me rendo conto dove che posso averla ciapà, gavarò tocà qualcosa in giro.
I giorni successivi al ricovero, in reparto, stò malissimo, la febbre bastarda sempre li. E i Dottori molto, molto preoccupati e attenti a sercar fora na cura par tirarme fora.
Sta Bestia quà la xe na roba viscida, invisibile, chi ciapa ciapa e soprattutto malefica, di intensità non prevedibile, la poe passare dal procurarte, nesun problema a coparte.
Veci, xovani, no se capise pi gnente.
Mi intanto (e par fortuna), xo coe cure, interleuchina, kaletra, idrossicloruchina, cortisone, eparina, prelievi del sangue, cane in vena, brassi viola dai sbusoni, flebi, visite, tac, ecografie, lastre, maschera dell’ossigeno H24, de tutto e de piu, i sanitari me fà un assistensa impressionante, i xe i N. 1.
La saturasion del sangue xe bassa, molto bassa, i me dise che fadigo a respirare, 30 atti respiratori al minuto… son in sofferenza estrema. Stò malissimo, ma tegno botta, son un osso duro, no molo mia….
Credo de essere in grado de resistere per parecchio tempo, dopo bion vedare se xe vero, el carattere però nol me manca de certo.
Gò un importantissimo sostegno morale da amici e stretti famigliari, xe come chei fusse quà co mi, i sento via wozap.
Quà xe tutto blindà, noi poe mia entrare, nessun dei tui poe assistere a la to agonia.
A un certo punto riva una Dotoressa, molto preoccupá, la me dise che la voaria provare con un novo respiratore… un castigo in plastica. con tuta na serie de tubi, cordoni, manicotti de regolasion, mi accetto, provemo.
Si ma rento chel castigo li, co teo meti sù ghe sarà 40 gradi, coi lo taca, un rumore assordante, i me da dei tappi pae rece, ma someia de essere dentro a um motore de un aereo, rento li mi sto malissimo e sudo come na bestia, xe drio vegnerme un collasso, dopo un minuto de prova, ghe fo segno de no col deo dea man sinistra e anca coa testa, luri i prova assarme li, ghe sbèco che xe drio vegnerme male, i cava via tuto in un tempo velocissimo e i mete el castigo, sora na mensola, ben visibile e queo restarà lì fin le me dimissioni.
Me sdraio sol leto, che ormai xe diventà el me sudario, l’ultima me speransa, coa soita mascherina de l’osigeno H24, ma lì mi me trovo meio, se serve, posso cavarmea e nare anca in bagno.
Ad un certo punto, ma mi no ghin savevo gnente, se prospetta la seria possibilità de trasferimento su, al piano superiore, terapia intensiva.
Par fortuna e par unpelo de no so cosa, al momento no ghe rivo, là i te indormessa e i te intuba, H24, 18 ore a pansa in xo 6 a pansa in su, “un dramma” che poe durare anca 20/30 giorni e dopo spera de sveiarte, se no ciao.
El calvario continua in leto, mi voio star li sveio, no indormesà, a lotare!!! per ore, giorni, parecchi giorni, consecutivi, quel che serve, tegno botta, resisto a tutto in condisioni estreme, tribolo come un can H24, sensa fissare un termine de fine corsa, l’obiettivo el xe troppo importante, nasendo for de casa il 30/04 ghe go dito a me fiola pi vecia: “stà tanquilla… che torno casa”
chissà cosa ghe gavarà pensà poareta……
Non go magnà gnente par na settimana, forse de più, i me dà flebi de acqua e sucaro tutto el giorno e son molto preocupato perchè son consapevole e molto spaventà, de poder morire a 51 anni, de dover assar quà tutto e tutti, improvvisamente… sensa aver la possibilità de rivedere e saludare nessuno dei me famigliari, (gò na splendida Moglie e due splendide Figlie) un bon Papà, 3 bravi Fradei, Amici.
Prego Dio e la Madonna che i varda in xò e spero, che non sia rivà la me ora, gò pianto, parecchio.
Non gò dormio par do setimane, anca de più, le notti sembra eterne, anca desso dormo pochissimo, ma passerà, mi son uno che dormiva come un sasso, sinque minuti dopo aver messo la testa sol cusin, partivo subito, dopo, no me sveiava gnanca el canon.
Nei momenti critici par mi xe stà fondamentale mantegnere la calma, il sangue freddo, la mente lucida, un grande autocontrollo, ma no xe stà par gnente facile e onestamente non so gnanca se ghe son riussio completamente, tegnere duro a oltransa, non fissare una data di fine corsa… non mollare…. par provare a portar casa la pelle, la cosa più importante, rivedere i me cari, continuare a vivere la me vita!
Per fortuna o per qualcos’altro a un certo punto ghe xe stà la svolta.
04-04-2020
la febbre scumisia a calare.. a un certo punto la xe letteralmente scomparsa, bastarda, un sollievo immediato e la situasion par fortuna la comincia a migliorare velocemente, i valori sballà dei vari esami i scumisia a rientrare nea norma.
09-04-2020
i me cava la maschera de l’osigeno H24….. stò decisamte xa meio.
Fasendo i corni e tutti i scongiuri del caso, desso son drio ristabilirme, me sento come rinato, un omo novo, sia nea mente che nel fisico. Stò ben e da quanto che stò ben me par chel magnare dell’ospedae someia queo de un sceff stellato. Magno pan vecio, duro come el marmo, el me par buonissimo. Però xa a a pasqueta questa sensazione scompare, el scheff stellato bisognaria “fusilarlo sul posto”.
Apparentemente desso sembra essere tutto in discesa, alcuni valori de certi esami, però i stenta a rientrare nea norma.
Quà in reparto i xe bravissimi, i riva a turni, come dei soldati, i xe vestii come “astronauti”: tute complete, mascherine doppie, visiere, ociai, doppi guanti, calsari soe scarpe, allucinante.
A volte noi se riconosse gnanca tra luri poareti…
I rischia parecchio ma i gà el morale sempre alto e sicuramente un altissimo spirito de sacrificio e senso del dovere, i tifava par mi quando che xero in condision quasi disperate, sta roba se percepiva nitidamente, però xero mi che dovevo da portar casa la partia e go vudo quarant’anni de allenamento.
Alcuni, pochi, (e però come feto darghe torto…) a vardarli in facia i someia quasi terorizzà, de beccarseo anca luri sto cazzo de virus e i te stà distanti…
ma anca luri là. A risciar la vita.
Altri in apparenza i sembra tranquillissimi, quasi dei automi, come se la Bestia non esistesse, come se tutto questo fusse normale, tuto dovuto e scontato, no sò gnanca come chei fassa vegner lavorare in ste condision qua, ris-ciando in prima persona, mi non so se lo farìa.
La maggior parte dei sanitari, nel mio reparto, le xe Donne (Dottoresse, Infermiere, Addette ae pulizie e a portar fora da magnare). Spettacolari… vedarle da ammalato le sembra forti, risolute, determinate, le comanda lore, alcune molto coinvolte nel to dramma, le tifa par ti, le gà personalità e le conosse el so lavoro, tusi, no ghe xe gnente da fare, in serte robe e serte situasion le xe nettamente superiori a naltri omeni, non c’è gara, bisogna ammetterlo.
I pochi omeni presenti dà il massimo, uno el xe stà sicuramente un me punto de riferimento, sopratutto nei momenti più duri. L’omo el xe concreto, preciso, pignolo, el ga anca lù qualche caratteristica intessante.
Ovviamente il reparto xe blindato, entra solo i sanitari e i addetti ai lavori, naltri semo isolà, impestà, peso dei lebbrosi, non se poe nar for daa stansa, xe come che ghe fusse dee inferiate, ma solo virtuali e che però nessuno osa superare.
Ma mi desso son contento, parchè me sento ben, sempre meio, go fatto na doccia, anca se a dire el vero me sembra de sentire sempre qualcosa come dentro ai polmoni. Un dolore al costato, forse le sarà le conseguenze dea Guera dei giorni scorsi, ma xe meio che ghea segnalo ai Dotori sta roba qua. I me risponde che xe normale, che i ga vudo molte altre segnalasion simili, che ghe voarà tempo…
L’assistensa e le cure giuste, la fortuna, un pò ghe go messo del mio, l’aiuto dei Amici più stretti, i poe portare al risultato.
17-04-2020
l’ospedale me dimette, i dottori dise che stò ben. Ghe serve el leto, i voe che vo casa, da positivo, ma mi gò paura par la me Fameia, coi me propone l’albergo, accetto, mi son isolà (sepolto vivo) luri gà el leto, casa i xe a posto…
29/04/2020
Esito tampone: “da approfondire”. Boh, me tocarà rifarlo…
30/04/2020
Esito tampone: negativo!
04/05/2020
Esito tampone: negativo!
05/05/2020
Esito tampone: boh… non gò più notisie.
Sembra che a padova serva 5/6 giorni par elaborare un tampon.
10/05/2020
El tampon del 05/05 xè risultà negativo.
7 giorni casa coa febre.
18 giorni de ricoveto in ospedae.
24 giorni de isolamento fora casa.
dopo un Odissea, durà 42 giorni posso tornar Casa, dalla mia Splendida Famiglia
(M.L., Zanè)
Stampa questa notizia
